الشاعر محمد الحسن ابنعوف عن عمرة عمر البشير

For your copy-and-pasting pleasure.

نوى للعمره من مال الرعيه وقام

ولف الخيبه والعار فتقتين احرام

البتغسلو من زمزم نفاق واجرام

يبق فى الراس شقيقه وفى البقيه جزام

تبرا بلدنا منك والمعاك رفاقه

واولاد الرزيه البى قفاك صفاقه

بطانتك غرفت الترى والليان والفاقه

وفرشت ليك يا معنى الخيابه نفاقه

الصفاقه ديل السقتهن من ناسك

والسفها المبارنك ضنوب حراسك

نحنا حقوقنا غير حق الله فى كراسك

ما بنعفيلك ان شلت الحرم فى راسك

جور وظلامه حكمك وما عرفت احسان

وتدعو عليك بلدنا الواطه والانسان

رفيقك.طه بركب  لاندى يا توسان

وببقى مصيرو عندك زى مصير غسان

يارب المدسدس فى السما ومختوت

تدرعن المحن لامن يكوسو الموت

الخلونا من وطاة بلدنا نفوت

فى اليقطين يلاقو الفاتو جوه الحوت .

للشاعر الاستاذ / محمد الحسن ابنعوف
http://alragrag1.blogspot.com/

siege auto